Դուք կպարտվեք․ Լեհաստանի վարչապետի նախազգուշացումը՝ Զելենսկուն
Լեհաստանի վարչապետ Դոնալդ Տուսկը նախազգուշացում է հղել Վլադիմիր Զելենսկիին՝ Ուկրաինայում կոռուպցիոն սկանդալի ֆոնին, այս մասին հաղորդում է Do Rzeczy-ն։
«Ես ևս մեկ անգամ կոչ եմ անում Ուկրաինայում բոլոր նրանց, ովքեր ձայնի իրավունք ունեն այս հարցում.զգուշացեք կոռուպցիայից, որովհետև դուք կպարտվեք պատերազմում, եթե հանդուրժեք նման միջադեպերը։ Ես նախագահ Զելենսկուն ասել եմ, որ զգույշ լինի իր շրջապատում կոռուպցիայի ցանկացած դրսևորման նկատմամբ, քանի որ դա վճռորոշ նշանակություն ունի նրա հեղինակության համար», – ասել է Տուսկը:
Նա հավելել է, նաև, որ «փողն արդեն քամուն է տրված, և գինը ամեն դեպքում շատ բարձր կլինի»։
