Գիտնականները Մարսում գտել են ապաստարաններ
Չինացի գիտնականները հայտարարել են, որ Մարսի վրա հայտնաբերել են քարանձավների նոր տեսակ, որոնք կարող էին ծառայել նախնադարյան կյանքի համար որպես պոտենցիալ ապաստարան։ Շենժենի համալսարանի հետազոտական թիմը Մարսի Հեբրուս հովտում հայտնաբերել է ջրով ձևավորված կարստային խոռոչների ութ օբյեկտ։
Հետազոտողները կարծում են, որ այս խոռոչները ձևավորվել են ոչ թե վուլկանիզմի կամ տեկտոնիկ գործընթացների, այլ հենց հալված կամ հոսող ջրի ազդեցությամբ։ Մասնագետներն ուսումնասիրել են 3D մոդելներ, որոնք ցույց են տվել՝ այս մուտքերի կառուցվածքը և ձևավորումը համապատասխանում են գերհագեցած ջրային հոսքերի ազդեցության հետևանքներին։
Գիտնականները նշում են, որ նման քարանձավները կարող են պաշտպանել միկրոօրգանիզմները ճառագայթումից և խիստ կլիմայական պայմաններից:
