Ադրբեջանը կրկին շեշտում է՝ «Զանգեզուրի միջանցքը» Հայաստանի դեմ չէ. մանրամասներ

Ադրբեջանի արտաքին գործերի նախարարության խոսնակ Այհան Հաջիզադեն հայտարարել է, որ «Զանգեզուրի միջանցքը» Հայաստանի ինքնիշխանության դեմ ուղղված քայլ չէ։

«Ադրբեջանի դիրքորոշումը «Զանգեզուրի միջանցքի» վերաբերյալ սկզբունքային է և հիմնված է տարածաշրջանային համագործակցության իրավական հիմքերի և փոխշահավետության սկզբունքի վրա»,- նշել է Հաջիզադեն։

Նրա խոսքով՝ 2020 թվականի նոյեմբերի 10-ի եռակողմ հայտարարության 9-րդ կետի համաձայն՝ պետք է ապահովվի անարգել երթևեկություն Ադրբեջանի արևմտյան շրջանների և Նախիջևանի Ինքնավար Հանրապետության միջև։

Հաջիզադեն ընդգծել է, որ Բաքուն շարունակում է հանդես գալ փոխադարձ հարգանքի և համաձայնեցված քայլերի օգտին՝ տարածաշրջանային հաղորդակցությունների բացման հարցում։