Հայտնի է թե, որքան է կազմել Հայաստանի բնակչության թիվը

2025 թ. հոկտեմբերի 1-ի դրությամբ Հայաստանի մշտական բնակչության թիվը կազմել է 3,090,500 մարդ, հաղորդում է ՀՀ վիճակագրական կոմիտեն։ Նրանցից 1,977,400-ը բնակվում է քաղաքներում, իսկ 1,113,100-ը՝ գյուղական բնակավայրերում։

Հաշվետվության համաձայն՝ վերջին տարիներին շարունակվում է բնակչության կենտրոնացումը քաղաքներում, մինչդեռ գյուղական բնակավայրերում գրանցվում է կայուն նվազման միտում։ Մասնագետները սա կապում են տնտեսական հնարավորությունների, աշխատանքային միգրացիայի և երիտասարդների կրթական շարժունության հետ։

Վիճակագրական կոմիտեն նաև նշել է, որ բնական աճի ցուցանիշները շարունակում են մնալ ցածր, ինչը ազդում է երկրի ժողովրդագրական կառուցվածքի վրա։