Ադրբեջանի այդ պահանջը չենք ընդունում. ՀՀ Սահմանադրությունը չի կարող մտահոգություն առաջացնել. Միրզոյան
Հայաստանի արտաքին գործերի նախարար Արարատ Միրզոյանը հայտարարել է, որ Հայաստանը չի կիսում այն ընկալումը, թե երկրի Սահմանադրության մեջ կարող է լինել որևէ դրույթ, որը մտահոգություն է առաջացնում Ադրբեջանի համար։
«Մենք չենք ընդունում սա որպես բանակցային օրակարգ և չենք բանակցում սրա շուրջ։ Չունենք անգամ համաձայնություն այն մասին, որ Հայաստանի կամ Ադրբեջանի Սահմանադրությունը, որը, ըստ մեզ, ենթադրում է որոշակի սպառնալիքներ Հայաստանի տարածքային ամբողջականության նկատմամբ, պետք է լինի բանակցային օրակարգի մաս», - ասել է Միրզոյանը։
Նախարարը ընդգծել է, որ Սահմանադրական դրույթների շուրջ քննարկումները դուրս են խաղաղության գործընթացի շրջանակից։
