Օրբանը դեմ է Ուկրաինայի ֆինանսավորմանը
Հունգարիայի վարչապետ Վիկտոր Օրբանը հայտարարել է, որ իր երկիրը չի տեսնում որևէ բարոյական, քաղաքական կամ տնտեսական պատճառ՝ մասնակցելու Ուկրաինային ֆինանսական աջակցություն տրամադրող ծրագրերին։
«Մեզ համար չկան ոչ բարոյական, ոչ քաղաքական, ոչ էլ տնտեսական պատճառներ՝ ֆինանսավորելու Ուկրաինան»,- գրել է Օրբանը իր հրապարակման մեջ X սոցիալական հարթակում։
Նրա խոսքով՝ տարբեր աղբյուրների տվյալներով, առաջիկա չորս տարիներին Ուկրաինային անհրաժեշտ կլինի շուրջ 400 միլիարդ դոլար՝ զինված ուժերի գործունեությունն ապահովելու համար։
«Եվ կրկին սպասվում է, որ այդ գումարը պիտի վճարի Եվրոպան։ Այլևս ոչ ոք չի ցանկանում վերցնել այդ բեռը իր վրա։ Ահա թե ինչու Բրյուսելը այդքան անհանգստացած է։ Ահա թե ինչու նրանք ցանկանում են բռնագրավել սառեցված ռուսական ակտիվները»,- նշել է Օրբանը։
