Իրանական հաքերները հրապարակել են իսրայելցիների լուսանկարներն ու տվյալները՝ մեղադրելով հանցագործությունների մեջ

Իրանական «Խանձալա» հաքերային խումբը հայտարարել է, որ կիբեռհարձակման արդյունքում ձեռք է բերել և հանրայնացրել իսրայելցի մի շարք քաղաքացիների լուսանկարներն ու անձնական տվյալները։ Ըստ խմբի՝ հրապարակված անձինք աշխատում են տարբեր ոլորտներում՝ ներառյալ միջուկային էներգետիկան, գիտահետազոտական ինստիտուտները, պաշտպանական արդյունաբերությունը, ինչպես նաև Իսրայելի օդային և ծովային ուժերը։

Հաքերները պնդում են, որ այս գործողությունը իրենց «պահանջվող անձանց բացահայտման» արշավի մասն է։ Նրանց խոսքով՝ նպատակն է իբր բացահայտել այն անձանց, որոնք մասնակցել են պաղեստինցիների նկատմամբ իրականացված գործողություններին։

Նշենք, որ այս միջադեպը տեղի է ունենում Իսրայելի և Իրանի միջև լարված հարաբերությունների ֆոնին, ինչպես նաև Գազայի հատվածում շարունակվող ռազմական գործողությունների պայմաններում։