Նեթանյահուն հայտնել է, որ մտադիր է կասեցնել դատական ​​բարեփոխումները

Իսրայելի վարչապետ Բենյամին Նեթանյահուն Իսրայելի կառավարական կոալիցիայի ղեկավարին ասել է, որ մտադիր է կասեցնել դատական ​​բարեփոխումները, հայտնում է տեղական Kan ռադիոն։

Ինչպես հայտնում է Haaretz-ը, այսօր ավելի ուշ սպասվում է, որ Իսրայելի վարչապետը հրապարակային հայտարարություն կանի։

Հիշեցնենք, որ Իսրայելի վարչապետ Բենյամին Նեթանյահուն կիրակի օրը պաշտոնանկ է արել պաշտպանության նախարար Յոավ Գալանտին: Այս մասին ասվում է Իսրայելի վարչապետի գրասենյակի տարածած հայտարարության մեջ։

Գալանտը մարտի 25-ի երեկոյան հանդես է եկել հայտարարությամբ երկրում բազմաթիվ բողոքների պատճառ դարձած դատական բարեփոխումների դադարեցման օգտին: Նա նախազգուշացրել է, որ դրա պատճառով հասարակության մեջ առաջացած պառակտումն արդեն թափանցում է իսրայելական բանակի շարքերը, և դա սպառնալիք է ստեղծում ազգային անվտանգության համար: