Նարեկ Օհանյանը՝ եղբոր մահվան դեպքից մանրամասներ է հայտնել

Այսօր Արմավիրի մարզի ընդհանուր իրավասության դատարանի Արմավիր նստավայրում դատական նիստի ժամանակ վկայություն է ներկայացրել փետրվարի 5-ին Մերձավանում կրակոցների հետևանքով մահացած Գրիգոր Օհանյանի եղբայրը։

Նա նշել է, որ չի նկատել, որ Վալոդյա Գրիգորյանի եղբայրը՝ Պայքար Գրիգորյանը կրակել է։

«Արմեն Ղազարյանն իր ձեռքում գտնվող ինքնաձիգը մոտ երկու մետրից պահեց իմ ուղղությամբ, ասաց՝ վրա մի արի, կկրակեմ, ես նրան հայհոյական խոսքով ասացի՝ հեռացիր և հաշվի չառնելով զենքի առկայությունը, ձեռքով հարվածեցի դեմքին, որից նա հետ–հետ գնալով՝ մոտ 20 մետր, սկսեց անկանոն կրակել մեր ուղղությամբ, ինչի արդյունքում Գրիգոր Օհանյանը և Սերգեյ Նարմադյանը ստացան վնասվածքներ»,– ասել է նա։

Ըստ վկայության՝ ներկա են եղել Անդրանիկ Ազարյանը, Արթուր Գալստյանը, մարզպետ Գալստյանը, Վլադիմիր Խդերյանը և այլ անձինք։

Հիշեցնենք, որ Փարաքարում կայացած ՏԻՄ ընտրություններից առաջ՝ փերտվարի 5-ին, սպանություն էր տեղի ունեցել Մերձավանում, վարչական ղեկավար Մհեր Ախտոյանի տան ուղղությամբ հարձակում էր տեղի ունեցել, ինչի հետևանքով զոհվել էր Ախտոյանների հորաքրոջ որդին՝ 29-ամյա Գրիգոր Օհանյանը, վիրավորվել՝ ևս մեկ անձ: Հարուցված քրեական գործի շրջանակում կալանավորվել էր Վոլոդյա Գրիգորյանի եղբայրը՝ 37-ամյա Պայքար Գրիգորյանը։