Վենսը՝ Գազայում ամերիկացի զինվորականների տեղակայման մասին

ԱՄՆ փոխնախագահ Ջեյ Դի Վենսը հայտարարել է, որ Գազայում ամերիկացի զինվորականներ չեն լինի:

Նրա խոսքով՝ բոլոր երկրները պետք է մասնակցեն Գազայի հետպատերազմյան վերականգնմանը։

«Մենք կարծում ենք, որ յուրաքանչյուր երկիր պետք է դերակատարում ունենա։ Դա կարող է լինել աջակցություն ֆինանսապես, վերակառուցման կամ դիվանագիտական առումով՝ որպես խաղաղ գործընթացի իրականացումն ու կենսունակությունն ապահովելու նպատակով տարբեր կողմերի հետ փոխգործակցություն», - Իսրայել կատարած այցի ժամանակ կայացած մամուլի ասուլիսին հայտարարել է Վենսը։

Միևնույն ժամանակ նա ասել է, որ տեղյակ չէ, թե ով է ի վերջո կառավարելու Գազան. ստեղծվող կառավարման կառույցը ճկուն կլինի իրադարձությունների զարգացման նկատմամբ:

Վենսի կարծիքով՝ անհրաժեշտ է համոզվել, որ պաղեստինցիները կապրեն Գազայում, սակայն Իսրայելը պետք է երաշխավորի անվտանգությունը և միայն դրանից հետո լուծի իշխանության ձեւավորման հարցերը: