Կոլապսի կենթարկենք ճանապարհները. բեռնատարների վարորդները ուղևորվել են ՌԴ դեսպանատուն

Այսօր  Կառավարության շենքի մոտ տեղի է ունեցել բեռնափոխադրող վարորդների թվով 3-րդ բողոքի ակցiան վերջին մեկ շաբաթվա ընթացքում։ Նրանք գործադիրից պահանջում են ՌԴ-ի հետ բանակցել և հասնել նրան, որ ՌԴ–ն փոխի օրենսդրության պայմանները, որի համաձայն, օտարերկրյա քաղաքացիները տարվա ընթացքում Ռուսաստանում կարող են գտնվել մինչև 90 օր, նախկին 180 օրվա փոխարեն։

Բեռնափոխադրման վարորդներին հրավիրեցին Կառավարություն պաշտոնյայի հետ հանդիպման, սակայն հանդիպումը չի գոհացրել նրանց։

Այժմ ցուցարար վարորդները ուղևորվում են ՌԴ դեսպանատուն և պահանջում, որ դեսպանը կապ հաստատի Ռուսաատանի ԱԳՆ-ի հետ, այլապես վաղը առավոտյան բեռնատար մեքենաներով կոլապսի կենթարկեն Հայաստանի ճանապարհները։

Հիշեցնենք, որ ՌԴ Ֆեդերալ օրենքի 115-րդ հոդվածի կարգավորումով սեպտեմբերի 10–ին ՌԴ-ում խստացվել է կանոնակարգը, որի համաձայն, օտարերկրյա քաղաքացիները տարվա ընթացքում կարող են ՌԴ-ում գտնվել մինչև 90 օր, ոչ թե 180 օր։ Այդ կետը, ըստ բեռնափոխադրման վարորդների, չպետք է վերաբերվի նրանց և ուղևորներ փոխաադրող վարորդներին, քանի որ միայն 90 օր և ավելի վարորդները կարող են կանգնած մնալ «Վերին Լարս» անցակետի մոտ։