Սպիտակ տունը հետաքրքրություն է ցուցաբերում Ռուսաստանի դեմ պատժամիջոցների օրինագծի նկատմամբ

Սպիտակ տան վարչակազմը ակտիվացրել է իր ուշադրությունը ԱՄՆ Սենատում քննարկվող օրինագծի նկատմամբ, որը նախատեսում է խստացնել Ռուսաստանի դեմ պատժամիջոցները, հաղորդում է Associated Press-ը։

Գործակալության տվյալներով՝ վերջին շաբաթներին Սպիտակ տան պաշտոնյաները «մեծացրել են հետաքրքրությունը օրինագծի նկատմամբ»։ Հրապարակումը գրում է, որ վարչակազմի պաշտոնյաները մանրակրկիտ ուսումնասիրում են օրինագիծը՝ առաջարկելով պարզաբանումներ և խնդրելով տեխնիկական փոփոխություններ։

Կոնգրեսի կարծիքով՝ սա «օրինագծի նկատմամբ Թրամփի ավելի լուրջ մոտեցման նշան է»։ Վարչակազմի պաշտոնյաններիվ մեկը ընդգծել է, որ օրինագիծը պետք է «առաջ մղի նախագահի արտաքին քաղաքականության նպատակները» և նրան տրամադրի «առավելագույն հայեցողություն» որոշումների կայացման գործում։

Այսօր ԱՄՆ սենատոր Լինդսի Գրեհեմը հայտարարել է, որ կարծում է, որ Կոնգրեսը պետք է ընդունի Ռուսաստանի դեմ պատժամիջոցների նոր փաթեթ՝ Ուկրաինայում տիրող իրավիճակի պատճառով։

Ավելի վաղ Ռուսաստանի արտաքին գործերի նախարարությունը խոսել էր Սերբիայի հետ համատեղ աշխատանքի մասին՝ ԱՄՆ պատժամիջոցները հաղթահարելու համար։