Վրաստանի էկոնոմիկայի և կայուն զարգացման փոխնախարար Նաթիա Տուրնավան ներկայացրել է երկրի տարածքով Հայաստանին գազի մատակարարման տրանզիտի մասին ռուսական «Գազպրոմ» ընկերության հետ համաձայնագրի մանրամասները: Ինչպես հայտնում է «Sputnik-Գրուզիա»-ն, վրացական կողմին հաջողվել է հասնել որոշակի հաջողությունների։ Տուրնավան նշել է, որ տրանզիտի արժեքը մեծացել է, իսկ ռուսական գազի գնման արժեքը՝ նվազել։ «Դա այն դեպքում, եթե մասնավոր բիզնեսը հետաքրքրվի այդ այլընտրանքով»,- նշել է փոխնախարարը։ Ինչ վերաբերում է գներին, Տուրնավան, դրանք չի հստակեցրել։ «Թվեր ասել ես չեմ կարող։ Հենց դա է կոմերցիոն գաղտնիքի էությունը, որպեսզի որոշակի թվեր չնշվեն, սակայն ես ասում եմ դինամիկայի մասին, որը երկու դեպքում էլ մեր օգտին է»,- ընդգծել է նա։