Գազի գինը չի թանկանա. փաստում է նախարարը

Գազի սակագնի շուրջ բանակցություններն այս պահին շարունակվում են, պայմանավորվածությունները դեռևս ոչ մի կետի չեն հանգել: Այսօր այս մասին կառավարության նիստից հետո լրագրողների հետ զրույցում ասաց ՀՀ էներգետիկայի և բնական պաշարների նախարարի պաշտոնակատար Գագերին Բաղրամյանը: Նախարարի պաշտոնակատարը նշեց, որ դեկտեմբերի վերջին պայմանագրի լրանալը խնդիր չէ, քանի որ այն կերկարաձգվի այնքան ժամանակ, մինչև բանակցությունները կավարտվեն: Ըստ Բաղրամյանի՝ բանակցությունները երկարատև ու ծանր են ու ժամանակ պահանջող: «Քանի դեռ պայմանավորվածություն չկա, կմնա այն, ինչ ունենք այսօր: Պայմանագիրը կերկարաձգվի ավտոմատ կերպով, այնպես չէ, որ հունվարից գազ չենք ունենալու: Գինը կլինի այն ժամանակ, երբ բանակցությունները կավարտվեն: Գինը հունվարի 1-ից կպահպանվի, եթե բանակցությունները ավարտված չլինեն կպահպանվի այն, ինչ ունենք: Մենք բնականաբար բանակցում ենք գազի գնի նվազեցման շուրջ, ոչ մեկ ը չի բանակցում բարձրացման շուրջ»,- ասաց Բաղրամյանը: