Մկրտիչ սրբազանի գտնվելու վայրը թաքցնում են. 6 հոգևորական է ձերբակալվել. փաստաբան

Մկրտիչ սրբազանի գտնվելու վայրը թաքցնում են: Այս մասին հայտնել է փաստաբան Արա Զոհրաբյանը:

Արագածոտնի թեմի 5 հոգևորականի և Մկրտիչ Սրբազանին բերման են ենթարկել նրանց բնակարանները խուզարկելուց հետո:

«Մկրտիչ սրբազանի գտնվելու վայրը հայտնի չէ, քննչական կոմիտեն տեղեկություն չի հայտնում, իսկ քննչական խմբի ղեկավարն ասում է տեղյակ չեմ, թե ուր է: Սա Մկրտիչ սրբազանի (ավազանի անունը Հայկ Պռոշյան) իրավունքի կոպիտ խախտում է:

Պետական մարմնի այս վարքագիծն առերևույթ համապատասխանում է Քրեական օրենսգրքի 451 հոդվածին (բռնի անհետացումը)»,- նշել է փաստաբանը:

Հիշեցնենք՝ այս պահին Երևան քաղաքի քննչական կոմիտեում են գտնվում Տեր Փառեն, Տեր Մանուկ, Տեր Հայկ, Տեր Մկրտիչ, Տեր Ղևոնդ քահանաները։

Այս պահին 6 հոգևորական է ձերբակալվել: