Մենք ամբողջ եվրոպական տարածաշրջանում գրանցել ենք ամենաբարձր տնտեսական աճը: Այս մասին այսօր Կառավարության նիստի ժամանակ  ասաց ՀՀ վարչապետ Նիկոլ Փաշինյանը` ամփոփելով 2019 թվականի աշխատանքները: Փաշինյանը հայտնեց, որ դա առաջին տարին էր, երբ նոր կառավարությունը լիարժեք էր աշխատում։ 

Նա նշեց, որ այդ տարվա ցուցանիշներն են, որ պետք է ցույց տան կառավարության աշխատունակությունը։

Այդ ցուցանիշներից վարչապետ Փաշինյանն առանձնացրեց տնտեսական աճը, որը կազմել է 7,6 տոկոս։ Փաշինյանն ասաց, որ այդ ցուցանիշը բարձր է ԵԱՏՄ բոլոր երկրներից, հարևան բոլոր երկրներից ու Եվրոպայի երկրներից։

Փաշինյանը  հավելեց, որ այդ ամենին զուգահեռ եղել է ֆինանսական կայունություն, իսկ գնաճը եղել է վերահսկելի մակարդակում։