Լուկաշենկոն Թրամփին կոչ է արել չանհանգստանալ Խաղաղության Նոբելյան մրցանակի համար
Բելառուսի նախագահ Ալեքսանդր Լուկաշենկոն հայտարարել է, որ ԱՄՆ նախագահ Դոնալդ Թրամփը չպետք է անհանգստանա, որ իրեն այս տարի Խաղաղության Նոբելյան մրցանակ չեն շնորհել: Այս մասին փոխանցում է ՌԻԱ «Նովոստին»:
«Դոնալդ Թրամփին Նոբելյան մրցանակ չշնորհելը, հաշվի առնելով տարբեր Նոբելյան դափնեկիրների հայտարարությունները, նույնպես ընդունելի է։ Նրանք խոստանում են, որ հաջորդ տարի նա հաստատ կստանա Խաղաղության Նոբելյան մրցանակ։ Ես անձամբ նրան խորհուրդ կտայի առանձնապես չմտահոգվել, որ չեն շնորհել այդ Նոբելյան մրցանակը։
Քանի որ, հավանաբար, նրա տեղը չէ այնտեղ լինել այդ կտրիճների շարքում։ Եվ աշխարհի մարդիկ պետք է գնահատեն այն, ինչ ԱՄՆ-ն և նրա նախագահը անում են միջազգային ասպարեզում»,-ասել է Բելառուսի ղեկավարը երեքշաբթի Մինսկում կայացած խորհրդակցության ժամանակ:
