Վարշավային պատրվակ է պետք հակառուսական հիստերիա հրահրելու համար. ՌԴ ԱԳՆ
Լեհաստանը հետաքրքրված չէ իր տարածքում խոցված անօդաչու թռչող սարքերի շուրջ ստեղծված իրավիճակի վերաբերյալ լուրջ հետաքննությամբ կամ ապացույցներով։ Վարշավային միայն պատրվակ է պետք հակառուսական հիստերիա հրահրելու համար, հայտարարել է Ռուսաստանի արտաքին գործերի նախարարության խոսնակ Մարիա Զախարովան։
Հիշեցենենք` Սեպտեմբերի 10-ին Լեհաստանի վարչապետ Դոնալդ Տուսկը հայտարարել է, որ Լեհաստանի տարածքում խոցվել են «վտանգավոր» անօդաչու թռչող սարքեր՝ դրանք անվանելով` ռուսական, բայց որևէ ապացույց չի ներկայացրել։
Եվրոպական հանձնաժողովի նախագահ Ուրսուլա ֆոն դեր Լեյենը ավելի ուշ հայտարարել է, որ ներգրավված են եղել տասից ավելի անօդաչու թռչող սարքեր։ Ռուսաստանի գործերի ժամանակավոր հավատարմատար Անդրեյ Օրդաշը «ՌԻԱ Նովոստի»-ին ասել է, որ Լեհաստանը չի ներկայացրել ապացույցներ իր տարածքում խոցված անօդաչու թռչող սարքերի ենթադրյալ ռուսական ծագման վերաբերյալ։
