Նեթանյահուն փոփոխություններ է կատարել Թրամփի` Գազայի խաղաղության ծրագրում
Իսրայելի վարչապետ Բենիամին Նեթանյահուն փոփոխություններ է կատարել ԱՄՆ նախագահ Դոնալդ Թրամփի Գազայի խաղաղության ծրագրում, որոնք պաղեստինյան ՀԱՄԱՍ շարժումը չի ընդունի, հաղորդում է բրիտանական Financial Times թերթը՝ հղում անելով անանուն դիվանագետի։
Թերթի տվյալներով՝ արաբական երկրները մտահոգված են, որ Նեթանյահուն մի քանի փոփոխություններ է կատարել ամերիկացի առաջնորդի ծրագրում, մասնավորապես՝ իսրայելական զորքերի վերատեղակայման ժամկետների և վայրի, ինչպես նաև Պաղեստինի ազգային ինքնավարության ապագա դերի վերաբերյալ։
«Արաբական երկրները նշում են, որ Նեթանյահուի կողմից գործարքի խմբագրման ձևը երբեք չի ընդունվի Համասի կողմից։ Մենք վերադարձել ենք մանրամասների քննարկմանը՝ ավելի իրատեսական և երկու կողմերի համար ընդունելի դարձնելու համար», - թերթին ասել է դիվանագետը։ Երկուշաբթի օրվանից Եգիպտոսում ընթանում են Համասի և իսրայելական պատվիրակությունների միջև անուղղակի բանակցություններ՝ Եգիպտոսի, Կատարի և Թուրքիայի միջնորդների մասնակցությամբ, ԱՄՆ նախագահ Դոնալդ Թրամփի առաջարկած խաղաղության ծրագրի վերաբերյալ՝ Գազայի հատվածում երկամյա պատերազմը դադարեցնելու համար։
Գազայի իրավիճակի խաղաղ կարգավորման Թրամփի ծրագիրը, որը հրապարակվել է սեպտեմբերի 29-ին, ներառում է 20 կետ և կոչ է անում անհապաղ հրադադարի՝ կախված պատանդների 72 ժամվա ընթացքում ազատ արձակումից։ Փաստաթղթում նաև առաջարկվում է, որ Համասը և այլ պաղեստինյան խմբավորումները ուղղակիորեն կամ անուղղակիորեն չմասնակցեն Գազայի հատվածի կառավարմանը, այլ վերահսկողությունը պետք է փոխանցվի միջազգային վերահսկողության ներքո գտնվող տեխնոկրատական իշխանությանը՝ անձամբ Թրամփի գլխավորությամբ։
