Անկարգություններ Թբիլիսիում. կան տուժածներ և ձերբակալվածներ
Թբիլիսիում ցուցարարների և ոստիկանների բախումների արդյունքում 6 ցուցարար և իրավապահ մարմինների 21 աշխատակից է տուժել, հայտնել են երկրի առողջապահության նախարարությունից։
Ոստիկաններից մեկի առողջական վիճակը ծանր է։ Եվս 30 մարդ տեղում բուժօգնություն է ստացել։
Նշվում է նաև, որ Վրաստանի ոստիկանությունը ձերբակալել է հինգ քաղաքացու՝ իշխանությունը տապալելու կոչերի համար։
Վարչապետ Իրակլի Կոբախիձեն հայտարարել է, որ օտարերկրյա գործակալները կչեզոքացվեն և կզրկվեն վրացական քաղաքականությանը մասնակցելու հնարավորությունից։ Վրաստանի վարչապետը ԵՄ դեսպանի վրա է դրել Թբիլիսիում անկարգությունների և սահմանադրական կարգը տապալելու փորձերին աջակցելու պատասխանատվությունը։
