Գերմանիայի կանցլերն ու Հունգարիայի վարչապետը վիճել են ԵՄ գագաթնաժողովում
Գերմանիայի կանցլեր Ֆրիդրիխ Մերցը երեկ Կոպենհագենում կայացած Եվրամիության գագաթնաժողովում քննադատել է Հունգարիայի վարչապետ Վիկտոր Օրբանին, հաղորդում է Bloomberg-ը՝ հղում անելով իր աղբյուրներին։
Իրավիճակին ծանոթ աղբյուրների խոսքով՝ «բախումը» տեղի է ունեցել այն քննարկումների ժամանակ, թե ինչպես կարող է ԵՄ-ն ապահովել իր պաշտպանությունը և աջակցել Ուկրաինային։
«Ֆրիդրիխ Մերցը չորեքշաբթի օրը Կոպենհագենում ԵՄ առաջնորդների հանդիպման ժամանակ քննադատաբար է մոտեցել Վիկտոր Օրբանին՝ մեղադրելով Հունգարիայի վարչապետին դաշինքի անվտանգության վերաբերյալ քննարկումները խափանելու մեջ», - ասվում է տեքստում։
Հեղինակների կարծիքով, վեճը Եվրամիությունում Օրբանի նկատմամբ դժգոհության ևս մեկ նշան է: Ինչպես նշում է Bloomberg-ը, Հունգարիայի վարչապետը բազմիցս օգտագործել է իր վետոն՝ Ռուսաստանի դեմ պատժամիջոցները կասեցնելու համար և դեմ է Ուկրաինայի ԵՄ անդամակցությանը:
ԵՄ գագաթնաժողովին մեկնելու նախօրեին Վիկտոր Օրբանը հայտարարել է, որ Կոպենհագենում կայանալիք ոչ պաշտոնական հանդիպման ժամանակ իրեն «վանդակային կռիվ» է սպասվում, քանի որ այլ երկրներ պարբերաբար ճնշում են գործադրում Բուդապեշտի վրա՝ Ուկրաինայի հարցի շուրջ։
