Հունգարիան կոչ է արել Ուկրաինային հրաժարվել իր տարածքներից

Հունգարիայի արտաքին գործերի նախարարության պետքարտուղար Լևենտե Մագյարը առաջարկել է Ուկրաինային հրաժարվել իր տարածքի մեկ հինգերորդ մասից՝ հակամարտության խաղաղ կարգավորման դիմաց։ Նրա խոսքերը մեջբերել է Telex պորտալը։

«Ես չեմ ուզում Ուկրաինային ասել, թե ինչ անի. ես պարզապես ասում եմ, որ մեր փորձի հիման վրա խաղաղությունը երբեմն կարող է ցավոտ լինել», - ասել է նա։

Մագյարը համեմատել է Ուկրաինայի իրավիճակը Առաջին համաշխարհային պատերազմի ավարտի Հունգարիայի հետ, երբ Բուդապեշտն ուներ երկու տարբերակ. «կամ զենք վերցնել, կամ համաձայնվել խաղաղության պայմաններին, նույնիսկ եթե դա նշանակում է կորցնել երկրի տարածքի երկու երրորդը»։

Հունգարիայի արտաքին գործերի նախարարության պետքարտուղարը նշել է, որ իր երկրի իշխանություններն այդ ժամանակ միակ ճիշտ, թեև դժվար, որոշումն են կայացրել՝ պահպանել Հունգարիայի տարածքի առնվազն մեկ երրորդը, և նա կարծում է, որ հենց դա պետք է անի Ուկրաինայի նախագահ Վլադիմիր Զելենսկին։