Խամենեին բունկերում չէ. Իրանի խորհրդարանի խոսնակ
Իրանի Գերագույն առաջնորդի անհասանելիության մասին տեղեկությունները չեն համապատասխանում իրականությանը, հայտարարել է Իրանի խորհրդարանի խոսնակ Ղալիբաֆը։
Նա նշել է, որ Խամենեին անմիջապես նոր հրամանատարներ է նշանակել՝ Իսրայելի հետ 12-օրյա պատերազմի ընթացքում զոհվածներին փոխարինելու համար և անձամբ նրանց տվել է անհրաժեշտ հրահանգները։
«Իրանի Գերագույն առաջնորդը ճշգրտորեն է գործել պաշտպանության և երկրի կառավարման հարցում՝ վերահսկելով բոլոր ասպեկտները», - ընդգծել է Ղալիբաֆը, ըստ Tasnim News-ի։
