Իրանի դեմ պատժամիջոցների վերականգնումը պատրվակ է. Իրանի ԱԳՆ

Իրանի դեմ պատժամիջոցները վերականգնելու եվրոպական կոչերը պատրվակ են էսկալացման համար և ռազմավարական առումով սխալ են: Այս մասին հայտարարել է Իսլամական Հանրապետության արտաքին գործերի նախարարի տեղակալ Սայիդ Խաթիբզադեն, գրում է «Ռիա Նովոստի»-ն։

«Պատժամիջոցները վերականգնելու եվրոպական կոչերը նոր պատրվակ են միջազգային հարաբերությունների էսկալացման համար։ Այն, ինչ անում են եվրոպացիները, քաղաքականապես պատճառաբանված է, լեգիտիմ չէ, անօրինական է՝ ըստ միջազգային իրավունքի, և ռազմավարական առումով սխալ է», - ասել է Խաթիբզադեն։

Նրա խոսքով` փորձելով վերականգնել Իրանի դեմ պատժամիջոցները՝ «եվրոպացիները միջազգային հարաբերությունները կհասցնեն անկանխատեսելիության նոր մակարդակի»։