Մոդին հեռախոսազրույց է ունեցել Թրամփի հետ

Հնդկաստանի վարչապետ Նարենդրա Մոդին բովանդակալից հեռախոսազրույց է ունեցել ԱՄՆ նախագահ Դոնալդ Թրամփի հետ։ Հնդկաստանի վարչապետը այս մասին հայտարարել է X սոցիալական մեդիա հարթակում։

«Ես շատ ջերմ և իմաստալից զրույց ունեցա Թրամփի հետ։ Մենք վերանայեցինք մեր երկկողմ հարաբերությունների առաջընթացը և քննարկեցինք տարածաշրջանային և միջազգային զարգացումները», - գրել է վարչապետը։

Ըստ Hindustan Times-ի՝ Մոդին և Թրամփը մտքեր են փոխանակել երկրների միջև առևտրի, էներգետիկայի, պաշտպանության, անվտանգության և «կարևոր տեխնոլոգիաների» ոլորտներում համագործակցության ընդլայնման վերաբերյալ։

2025 թվականի օգոստոսին ԱՄՆ-ն կրկնապատկեց հնդկական ապրանքների մաքսատուրքերը մինչև 50%՝ հղում անելով երկրին «պատժելու» ցանկությանը՝ ռուսական նավթի գնումների միջոցով Ռուսաստանի տնտեսությանը աջակցելու համար։

Հոկտեմբերին Թրամփը հայտարարեց, որ Հնդկաստանը կշարունակի վճարել «մեծ» մաքսատուրքեր, եթե չդադարի ռուսական նավթ գնել։ Ամերիկացի առաջնորդի խոսքով՝ նա խոսել է Մոդիի հետ, ով իրեն ասել է, որ «նա մտադրություն չունի ներգրավվել ռուսական նավթի մեջ»։

Սակայն նոյեմբերի սկզբին ամերիկացի առաջնորդը հայտարարեց, որ Հնդկաստանը «հիմնականում դադարեցրել է» ռուսական նավթ գնելը։ Այս ֆոնին նա խոստացավ, որ ԱՄՆ-ն «որոշ պահի» կնվազեցնի մաքսատուրքերը։