Հզոր երկրաշարժ՝ Ռուսաստանում

Կամչատկայի արևելյան ափի մոտ գրանցվել է 7.7 մագնիտուդով երկրաշարժ։ Այս մասին հայտնել է Եվրոպական-Միջերկրածովյան Սեյսմոլոգիական Կենտրոնը, փոխանցում է «ՏԱՍՍ»-ը:

Ցնցումների էպիկենտրոնը գտնվել է Պետրոպավլովսկ-Կամչատկայից 125 կմ հյուսիս-արևելք։ Էպիկենտրոնը գտնվել է 40 կմ խորության վրա։

Հավելենք` Կամչատկայի երկրամասի նահանգապետ Վլադիմիր Սոլոդովը հայտարարել է Կամչատկայի արևելյան ափին ցունամիի վտանգի մասին։ 

«Թերակղզու արևելյան ափին հայտարարվել է ցունամիի սպառնալիք։ Հանրությանը տեղեկացնում են», - գրել է Սոլոդովը։

Նա հավելել է, որ բոլոր ծառայությունները բերվել են բարձր պատրաստվածության վիճակի։ Վնասների մասին հաղորդագրություններ չկան։