Ռուսաստանում ադրբեջանական համայնքի ղեկավարը զրկվել է ռուսական քաղաքացիությունից
Մոսկվայի ադրբեջանցիների ազգային-մշակութային ինքնավարության նախագահ Բախտիյար Հասանովը զրկվել է ՌԴ քաղաքացիությունից։
Ադրբեջանական համայնքի ղեկավարի ռուսական անձնագիրը չեղյալ է հայտարարվել։ Նա Ռուսաստանի քաղաքացիություն է ստացել 2000-ականներին։ Ինչպես հայտնել է Readovka-ի աղբյուրը, քաղաքացիությունից զրկելու հիմքը Հասանովի երկարատև կապերն են ստվերային սխեմաների հետ, այդ թվում՝ անօրինական ներգաղթի կոծկումը, կեղծարարությունը և էթնիկ հողի վրա հիմնված կոնֆլիկտների ստեղծումը։
Նշենք, որ Բախտիյար Հասանովը 2022 թվականին ընտրվել է Մոսկվայի ադրբեջանցիների ազգային մշակութային ինքնավար ասոցիացիայի նախագահ։ Ռուսական տելեգրամ ալիքն ընդգծում է, որ Հասանովը բազմիցս աջակցություն է հայտնել Ադրբեջանի նախագահ Իլհամ Ալիևին։
