Թորոսյանը՝ նախկին նախագահների ու Փաշինյանի նյարդայնացած լինելու մասին

Աշխատանքի և սոցիալական հարցերի նախարար Արսեն Թորոսյանը NEWS.am-ի հետ զրույցում՝ անդրադառնալով հարցին, թե ինչու՞ է Նիկոլ Փաշինյանը վերջին երկու օրերին ակտիվ գրառումներ անում նախկին երեք նախագահների մասին, հատկապես Լևոն տեր–Պետրոսյանի հետ կապված բավական նյարդային արձագանք է ցուցաբերում նրա գրառումներին ասել է.  

«Միայն Նիկոլ Փաշինյանը չի գրում, մենք բոլորս էլ գրում ենք։ Երկրորդը, նյարդայնության մասին խոսքը չափազանցված է, վարչապետը կոնկրետ հարցեր է տալիս, և վերջում ամենակարևոր հարցը, եթե այդքան համոզված են իրենց բոլոր պնդումներում, ինչու՞ են խուսափում հրապարակային բանավեճից ժողովրդի աչքի առաջ։ Սովորաբար նման հրավերներ ուղարկում են ընդդիմությունը իշխանությունները, և իշխանությունը մերժում է դրան, եթե ինչ-որ բան ունեն թաքցնելու, բայց մենք ունենք հակառակ իրավիճակ, երբ որ մենք ենք խնդրում, պնդում, հրավիրում, համոզում, որ գան բանավեճի, որպեսզի ցույց տանք, թե իրականում ինչ է եղել, ինչպես է եղել և  այդպես շարունակ»։