Իսրայելը լայնածավալ հարձակում է սկսել Գազայի վրա

Իսրայելը լայնածավալ ցամաքային հարձակում է սկսել Գազայի վրա, այս մասին է հայտնում  Axios-ը։

Սկզբում Ռազմաօդային ուժերը զանգվածային ավիահարվածներ են հասցրել քաղաքի վրա, ապա մտել է ռազմական տեխնիկա։

Axios պորտալը հարձակման նպատակ է համարում Գազայի օկուպացիան։ Նախնական տվյալներով՝ զոհվել է 62 մարդ։

Հայտնի է, որ ռազմական ղեկավարներն ու խորհրդականները Իսրայելի վարչապետ Նեթանյահուին առաջարկել են ձեռնպահ մնալ գործողությունից, քանի որ դա կարող է վտանգել իսրայելցի պատանդների կյանքը, հանգեցնել բանակի մեծ կորուստների և ստիպել Թել Ավիվին ռազմական վերահսկողություն հաստատել Գազայի վրա։

Բողոքի ակցիայի մասնակիցները հավաքվել են վարչապետի նստավայրի մոտ, տեղադրել վրաններ և պահանջել են դադարեցնել հարձակումը։