ՏԵՍԱՆՅՈՒԹ. Թբիլիսիում ցուցարարները վրաններ են տեղադրում

Ընդդիմադիր «Հանուն փոփոխության» կուսակցության ներկայացուցիչներն իրենց կողմնակիցների հետ միասին վրաններ են տեղադրում Թբիլիսիի կենտրոնում և խոստանում շարունակել փողոցային բողոքի ցույցը Վրաստանում խորհրդարանական ընտրությունների արդյունքների դեմ: Այս մասին հայտնում է РИА Новости-ի թղթակիցը։

Միաժամանակ ակցիա է տեղի է ունեցել Վրաստանի խորհրդարանի դիմաց՝ մայրաքաղաքի կենտրոնում, սակայն այնտեղ հավաքվածները շարժվել են դեպի համալսարան՝ միանալու ցուցարարներին։

Ավելի վաղ՝ նոյեմբերի 16-ին, Վրաստանի Կենտրոնական ընտրական հանձնաժողովը հրապարակել էր հոկտեմբերի 26-ին կայացած խորհրդարանական ընտրությունների ամփոփիչ արդյունքները, ըստ որի՝ հաղթել է իշխող «Վրացական երազանք» կուսակցությունը՝ հավաքելով ձայների 53,93%-ը և ստանալով խորհրդարանում 150 մանդատից 89-ը։  Ընդդիմադիրները արդյունքները համարում են կեղծված և պահանջում են միջազգային հետաքննություն և նոր խորհրդարանական ընտրություններ։