Տարածք չենք զիջելու` պատերազմը դադարեցնելու դիմաց. Զելենսկի

Ուկրաինան չի զիջի իր տարածքները Ռուսաստանին՝ պատերազմը դադարեցնելու դիմաց՝ հայտարարել է Ուկրաինայի նախագահ Վալոդիմիր Զելենսկին։ Ուկրաինայի նախագահի համոզմամբ՝ դա ամեն դեպքում չի կանգնեցնի ՌԴ նախագահ Վլադիմիր Պուտինին։ Նրա խոսքով՝ Կիևին անվտանգության ամուր երաշխիքներ են պետք, որոնք կերաշխավորեն ամբողջ Եվրոպայի կայունությունը:

«Հարկավոր է Մոսկվայի վրա ճնշում գործադրել, պատժամիջոցներ և մաքսատուրքեր սահմանել, առգրավել նրանց ակտիվները»,- հավելել է Ուկրաինայի նախագահը:

Զելենսկին ընդգծել է Չինաստանի վրա ճնշում գործադրելու, նաև տարբեր միջոցներով մոտիվացնելու կարևորությունը:

«Պեկինը կարող է ազդել Ռուսաստանի վրա՝ պատերազմը դադարեցնելու համար»,- շեշտել է նախագահը։