ԵՄ-ն ևս 6 ամսով երկարաձգել է Ռուսաստանի դեմ պատժամիջոցները

Եվրամիությունը ևս վեց ամսով երկարաձգել է Ռուսաստանի դեմ պատժամիջոցների ամբողջ փաթեթը։ Այս մասին հայտարարել է ԵՄ Խորհուրդը։

Տեղեկատվության համաձայն, սահմանափակումները ուժի մեջ կլինեն մինչև 2026 թվականի մարտի 15-ը։

«Այսօր Խորհուրդը որոշեց երկարաձգել սահմանափակող միջոցառումները ևս 6 ամսով՝ մինչև 2026 թվականի մարտի 15-ը», - ասվում է հայտարարության մեջ։

Նշվում է, որ պատժամիջոցները, ինչպես նախկինում, կվերաբերեն ավելի քան 2500 ֆիզիկական և իրավաբանական անձանց։

Ավելի վաղ եվրոպական դիվանագիտության ղեկավար Կայա Կալլասը հայտարարել էր, որ ԵՄ-ն ավարտում է Ռուսաստանի դեմ պատժամիջոցների 19-րդ փաթեթի աշխատանքը: