Նարեկ Կարապետյանը` Ռոբերտ Քոչարյանի և Սերժ Սարգսյանի հետ համագործակցության մասին

Հակակոռուպցիոն դատարանի բակում «Տաշիր» ընկերությունների խմբի փոխնախագահ Նարեկ Կարապետյանը պատասխանել է լրագրողների մի շարք հարցերին:

«Ռոբերտ Քոչարյանի և Սերժ Սարգսյանի հետ համագործակցություն չի լինելու»,- ասել է Նարեկ Կարապետյանը:

Կարապետյանը նաև անդրադարձել է կրկեսի բացմանը. «Կրկեսի բացմանըտեղի կունենա մեր անկախության տոնին ընդառաջ կամ մինչև սեպտեմբերի 25-ը։  Արարողությանը վարչապետ Նիկոլ Փաշինյանը չի մասնակցի»:

Նշենք, որ ՀՀ Հակակոռուպցիոն դատարանում ընթանում է գործարար Սամվել Կարապետյանի կալանքը երկարաձգելու միջնորդության քննությունը։ Դատարանի բակում հավաքվել են Սամվել Կարապետյանի աջակիցները։

Հիշեցնենք՝ Սամվել Կարապետյանը կալանավորվել է հունիսի 18-ին, երկու ամսյա ժամկետով: Նա մեղադրվում է իշխանությունը զավթելու, սահմանադրական կարգը բռնի տապալելու հրապարակային կոչ անելու համար։ Կարապետյանը մեղադրանքը չի ընդունում, պաշտպանական խումբը պնդում է, որ նրան առաջադրված մեղադրանքը անհիմն է: