Ֆրանսիան նոր վարչապետ ունի
Սեբաստիան Լեկորնյուն նշանակվել է Ֆրանսիայի վարչապետ՝ փոխարինելով Ֆրանսուա Բայրուին, որը չստացավ պատգամավորների վստահության քվեն և հրաժարական տվեց, հաղորդում է BFMTV-ն։
2022 թվականից ի վեր Սեբաստիան Լեկորնյուն զբաղեցրել է զինված ուժերի նախարարի պաշտոնը։ Նախկինում նա եղել է արտասահմանյան տարածքների նախարար, տարածքային համայնքների նախարար և էկոլոգիական անցման հարցերով պետքարտուղար։
Հավելենք՝ նրա նշանակումից մի քանի ժամ առաջ Ֆրանսուա Բայրուն հրաժարական էր տվել։
