Ուկրաինայում հազարավոր օտարերկրյա զինծшռայողներ կտեղակայվեն. Զելենսկի
Ուկրաինայի անվտանգության երաշխիքների շրջանակում քննարկվում է երկրում հազարավոր օտարերկրյա զորքերի տեղակայումը: Այս մասին հայտարարել է Ուկրաինայի նախագահ Վլադիմիր Զելենսկին Եվրոպական խորհրդի նախագահ Անտոնիու Կոշտայի հետ համատեղ մամուլի ասուլիսի ժամանակ, փոխանցում է Reuters գործակալությունը:
«Ես չեմ խոսի թվի մասին, բայց կարևոր է, որ մենք այս ամենը քննարկում ենք: Այո, դա, միանշանակ, կլինի հազարավոր: Եվ սա փաստ է, բայց դեռ վաղ է խոսել այդ մասին», - ասել է Զելենսկին:
Նա նաև ընդգծել է, որ Կիևը Մոսկվայից ազդանշաններ է լսում, որ նրանք արդեն ընդունում են Եվրամիությանն Ուկրաինայի անդամակցությունը:
«Ցավալի է, որ նրանք այս իրողությունն այսքան ուշ են ընդունում», - նշել է նա
Իր հերթին, Անտոնիու Կոշտան հայտարարել է, որ չնայած Հունգարիայի վետոյին՝ Եվրամիությանը Կիևի անդամակցության բանակցությունները շարունակվում են և պետք է շարունակվեն:
«Պետք չէ սպասել Հունգարիային, որովհետև Ուկրաինայի ապագան ԵՄ-ում է, դա անվիճելի է», - ասել է Եվրոպական խորհրդի նախագահը:
Հիշեցնենք, որ Եվրամիությունը չի կարողանում անդամակցության բանակցություններ սկսել Ուկրաինայի հետ միայն Հունգարիայի դիրքորոշման պատճառով. Բուդապեշտը վետո է դրել բանակցությունների մեկնարկի վրա։ Միևնույն ժամանակ, Լիտվան վերջերս առաջարկել է անդամակցության բանակցություններ սկսելու ծրագիր՝ առանց Հունգարիայի համաձայնության։
