Թրամփը հայտարարել է, որ շուտով կզանգահարի Պուտինին

ԱՄՆ նախագահ Դոնալդ Թրամփը հայտարարել է, որ շուտով պատրաստվում է խոսել Ռուսաստանի առաջնորդ Վլադիմիր Պուտինի հետ։ Նա այս մասին լրագրողներին ասել է Սպիտակ տանը, հաղորդում է C-SPAN-ը։

Lրագրողը հարցրել է Թրամփին, թե արդյոք նա պատրաստվում է շուտով խոսել Պուտինի հետ։

«Այո, կզանգեմ։ Մենք շատ լավ երկխոսություն ունեցանք», - պատասխանել է ամերիկացի առաջնորդը։

Ավելի ուշ CNN-ի լրագրող Քեյթլան Քոլինզը, հղում անելով Սպիտակ տան աղբյուրներին, հայտնել է, որ Թրամփը նախկինում հայտարարել էր լրագրողների հետ զրույցում Ուկրաինայի առաջնորդին, այլ ոչ թե Պուտինին զանգահարելու ծրագրերի մասին։ Ինչպես նա պարզաբանել է, Թրամփի և Զելենսկու միջև զրույցը տեղի կունենա այսօր։

Նախորդ օրը Թրամփը հիասթափություն էր հայտնել Պուտինից և սպառնացել վերանայել ԱՄՆ դիրքորոշումը, եթե ռուս-ուկրաինական հակամարտության կարգավորման գործում առաջընթաց չլինի։

Նույն օրը Ռուսաստանի նախագահը հայտարարել է, որ Զելենսկին կարող է գալ Մոսկվա բանակցությունների համար։ Զելենսկին նախկինում առաջարկել էր չեզոք վայրեր, ինչպիսիք են Թուրքիան կամ Շվեյցարիան: Ռուսաստանի արտաքին գործերի նախարարությունը նշել էր, որ երկու առաջնորդների միջև հանդիպումը հնարավոր կլինի միայն «նախագահական օրակարգի» առկայության դեպքում, սակայն դեռևս այդպիսին չկա: