Պեսկովը՝ Պուտին-Թրամփ բանակցությունների նոր փուլի մասին

ՌԴ նախագահ Վլադիմիր Պուտինի և ԱՄՆ նախագահ Դոնալդ Թրամփի միջև բանակցությունների նոր փուլը հնարավոր է մոտ ապագայում։ Այն կարող է  շատ արագ կազմակերպվել։ Այս մասին հայտարարել է ՌԴ նախագահի խոսնակ Պեսկովը:

Հավելենք՝ օգոստոսի 15-ին Ալյասկայում տեղի է ունեցել ԱՄՆ և ՌԴ նախագահների հանդիպումը: Շուրջ երեք ժամ շարունակված բանակցություններից հետո Թրամփն ու Պուտինը հայտարարեցին՝ որոշ հարցերի շուրջ եկել են համաձայնության, որոշները դեռ պետք է քննարկվեն։ Պուտինը հանդիպումը բնորոշեց որպես կառուցողական, հույս հայտնելով, որ «ձեռք բերված պայմանավորվածությունները կարող են մեկնարկային կետ լինել՝ Ուկրաինայի հակամարտության կարգավորման և Ռուսաստանի ու ԱՄՆ-ի միջև կապերի վերականգնման համար»։

Թրամփն, իր հերթին, ասաց, թե «շատ, շատ հարցերում համաձայնության են եկել», միաժամանակ նշեց՝«կան մի քանի կարևոր կետեր, որոնց մենք դեռ լիովին չենք հասել, բայց որոշակի առաջընթաց ենք գրանցել»։