Պաշտոնական Բաքուն չի ընդունում Մոսկվայի պահանջները․ Ադրբեջանի ԱԳՆ
Ռուսաստանի Դաշնության արտաքին գործերի նախարարության մամուլի քարտուղարի կողմից սխալ է Ադրբեջանում 13 ռուս քաղաքացիների ձերբակալությունը ներկայացնել որպես ադրբեջանա-ռուսական հարաբերությունների վատթարացման պատճառ և նրանց ազատ արձակումը որպես հարաբերությունների բարելավման պայման։ Այս մասին հայտարարել է Արտաքին գործերի նախարարության մամուլի ծառայության բաժնի ղեկավար Այխան Հաջիզադեն։
Նրա խոսքով՝ ադրբեջանա-ռուսական հարաբերությունների լարվածության պատճառը հենց AZAL ինքնաթիռի կործանումն էր և դրան հաջորդած ռուս պաշտոնյաների վարքագիծը.
«Բացի այդ, Ռուսաստանում ադրբեջանցիների հետապնդումները՝ իրենց էթնիկ պատկանելության պատճառով, Եկատերինբուրգ քաղաքում ադրբեջանցիների ծեծն ու սպանությունը լրացուցիչ լարվածություն են ստեղծել հարաբերություններում: Ինչպես նաև Ռուսաստանի տարբեր պետական մարմինների՝ Ադրբեջանի դեմ իրականացրած գործունեությունը, հարաբերությունների վրա բացասաբար ազդող գործոններից է»,- ասել է Այխան Հաջիզադեն:
