Հայաստանի դեմ հանդիպումը մարտահրավեր է մեզ համար․ Պորտուգալիայի հավաքականի գլխավոր մարզիչ

Որոշակի կորուստներ ունենք, բայց պատրաստ ենք Հայաստանի հավաքականի հետ խաղին: Այս մասին հայտարարել է Պորտուգալիայի հավաքականի գլխավոր մարզիչ Ռոբերտո Մարտինեսը։

«Հայաստանի ազգային հավաքականի հետ հանդիպումը մարտահրավեր է մեզ համար: Մեծ հարգանքով ենք վերաբերվում մեր մրցակցին: Հայաստանի հավաքականում խաղում են լավ որակներ ունեցող ֆուտբոլիստներ։ 

Հայաստանի հավաքականը նոր գլխավոր մարզիչ ունի և դա էմոցիոնալ լիցքեր կհաղորդի մրցակցին: Պետք է հաշվի առնենք նաև երկրպագուների գործոնը: Հայ ֆուտբոլասները մեծ եռանդով են աջակցում իրենց ազգային թիմին:

Մենք վերլուծել ենք մրցկացի խաղը ուսումնասիրել ենք նաև նոր գլխավոր մարզչին: Եղիշե Մելիքյանը 5 տարի գլխավորել է Փյունիկը և լուրջ հաջողությունների է հասել: Նա լավ գիտի ոնց պատրաստել թիմին կարևոր հանդիպումներում»,- հավելել է Պորտուգալիայի հավաքականի գլխավոր մարզիչ Ռոբերտո Մարտինեսը։

Հիշեցնենք՝ Հայաստան - Պորտուգալիա խաղը կկայանա սեպտեմբեր 6-ին՝ Վազգեն Սարգսյանի անվան Հանրապետական ​​մարզադաշտում։