Ինչ վիճակում են Ամիրյան փողոցում մեքենայի պայթյունից տուժածները
Ամիրյան փողոցում սեպտեմբերի 2–ին մեքենայի պայթյունից տուտուժածներից մեկը, որի վիճակը ծայրահեղ ծանր էր, տեղափոխվել է բաժանմունք։ Sputnik-ի հետ զրույցում տեղեկությունը հայտնել են ՀՀ առողջապահության նախարարությունից։
«Վիճակը հիմա միջին ծանրության է, կյանքին վտանգ չի սպառնում։ Մյուս 2-ի վիճակը բավարար է, դուրս են գրվել»,– ասել են նախարարությունից։
Հիշեցնենք` երեկ` 14։40-ի սահմաններում, Երևանի Ամիրյան փողոցում ավտոմեքենայում պայթյուն է տեղի ունեցել, որի հետևանքով վնասվել են նաև հարակից ավտոմեքենաներ։ 3 քաղաքացի հոսպիտալացվել է։
