Նիկոլ Փաշինյանի գոյությունն է եղել սպառնալիք Հայաստանի և Արցախի համար. Վանեցյան

Մինչ օրս Նիկոլ Փաշինյանի գոյությունն է եղել սպառնալիք Հայաստանի և Արցախի համար, այսօր Արցախի չլինելը դրա վառ ապացույցն է։ Այս մասին Եռաբլուրում լրագրողների հետ զրույցում ասել է «Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանը։

«Հակադրելու բան չկա, խաղաղությանը որևէ բան չես կարող հակադրել։ Ով կասի, թե խաղաղությանը դեմ է, նա հոգեկան խանգարումներ ունեցող մարդ է, բայց պետք է հասկանանք, թե ի՞նչ է առաջարկում մեզ այս իշխանությունը։

Այս իշխանությունը ցույց է տվել, որ որևէ, նույնիսկ ամենաբարի ցանկություններով արարք իրենք չի կարողանում անել նորմալ, որ օգուտ կբերի մեր երկրին ու հայրենիքին»,-ասել է Վանեցյանը։

Նա նշել է, թե վստահ չի, որ իշխանությունները կկարողանան կյանքի կոչել «Խաղաղության օրակարգը»։