ԱՄՆ նախագահը՝ իր առողջական վիճակի մասին

ԱՄՆ նախագահ Դոնալդ Թրամփը հերքել է իր առողջության մասին լուրերը՝ ասելով, որ երբեք իրեն ավելի լավ չի զգացել։ Այս մասին ԱՄՆ նախագահը գրել է Truth Social սոցէջում։

Սպիտակ տան ղեկավարի «մահվան» մասին լուրերը հայտնվեցին այն բանից հետո, երբ փոխնախագահ Ջ.Դ. Վենսը հայտարարել է, որ պատրաստ է դառնալ ԱՄՆ նախագահ, եթե Թրամփի հետ ինչ-որ բան պատահի: Միևնույն ժամանակ, Վենսը վստահեցրել է, որ ԱՄՆ նախագահը  ֆիզիկապես լավ վիճակում է:

Ամերիկյան որոշ լրատվականների ենթադրություններ հաստատվեցին Թրամփի վերջին հրապարակային ելույթներից հետո՝ ձեռքի վրա եղած կապտուկների պատճառով:

Լուրերը հերքելու համար Թրամփը հրապարակել է գոլֆ խաղալիս իր անձնական լուսանկարը, որտեղ երևում է, որ ֆիզիկապես շատ լավ վիճակում է:

Newsweek ամսագրի հաղորդագրության համաձայն՝ «Որտե՞ղ է Թրամփը» հեշթեգը վերջին վեց ամիսների ընթացքում դարձել է X հարթակում ամենատարածված հեշթեգը։