Իրանը համաձայնել է ՄԱԳԱՏԷ-ի տեսուչների ներկայությանը՝ պայմանով, որ նրանք ազգությամբ ռուս լինեն
Իրանի ազգային անվտանգության հանձնաժողովի անդամ Բորուջերդին հայտարարել է, որ Թեհրանը համաձայնել է Բուշերի ատոմակայանում ՄԱԳԱՏԷ-ի տեսուչների ներկայությանը՝ պայմանով, որ նրանք անպայման ազգությամբ ռուս լինեն:
«Այցը կսահմանափակվի միայն Բուշերի ատոմակայանով, այն էլ այն պատճառով, որ վառելիքի նոր բեռնումը պետք է իրականացվի գործակալության հսկողության ներքո, և մենք ընդունեցինք այդ պայմանը՝ պնդելով, որ տեսուչներն անպայման պետք է ռուս լինեն»,- ասել է Իրանի ազգային անվտանգության հանձնաժողովի անդամ Բորուջերդին:
Հիշեցնենք՝ Իրանի փոխարտգործնախարար Քազեմ Ղարիբաբադին հայտարարել էր, որ եթե Եվրոպական եռյակը պատժամիջոցներ սահմանի Իրանի դեմ, ապա Միջազգային ատոմային էներգիայի գործակալության հետ ողջ համագործակցությունն ու փոխազդեցությունը լիովին կվտանգվի և գործնականում կդադարեցվի:
