ՏԵՍԱՆՅՈՒԹ․ Ինչ քարտեզներ են միջնորդների կողմից տրամադրվել կողմերին․ Կոստանյան

Ռուսաստանի հետ հարաբերություններն ավելի չենք սրում, նորմալ աշխատանքային գործընթաց է։ Այս մասին NEWS.am-ի հետ զրույցում  նշեց ԱԳ փոխնախարար Վահան Կոստանյանը՝ անդրադառնալով դիտարկմանը, որ Ռուսաստանի հետ հարաբերությունները գնալով լարվում են։ 

«Գործընկերները միմյանց հարցեր ունեն, դիվանագետների միջոցով պարզաբանում ենք այդ հարցերը»,- նշեց Կոստանյանը՝ պատասխանելով դիտարկմանը, որ օրերս Հայաստանի ժամանակավոր հավատարմատարին են կանչել ՌԴ ԱԳՆ, իսկ դրանից առաջ Հայաստանը ՌԴ դեսպանին էր կանչել ԱԳՆ։  

Ինչ վերաբերում է ՌԴ ԱԳ նախարար Սերգեյ Լավրովի հայտարարությանը, թե Հայաստանը կարող է իր բախտը փորձել եվրոպական հարթակներում, եթե ուզում է, բայց քարտեզները գտնվում են Ռուսաստանում, Վահան Կոստանյանն ասաց․

«Այն քարտեզները, որոնց մասին խոսվում է, այսինքն 1974-1978 թթ քարտեզների մասին, այդ քարտեզները կան, եւ հայկական կողմն է ծանոթ դրանց, եւ ադրբեջանական կողմը: Այդ քարտեզները տարբեր միջնորդների կողմից տրամադրվել են կողմերին»:

ԱԳ փոխնախարարն անդրադարձել է նաև Նիկոլ Փաշինյանի հայտարարությանը ՌԴ ռազմաբազայի վերաբերյալ, ՌԴ ԱԳՆ պաշտոնական ներկայացուցիչ Մարիա Զախարովայի հայտարարությանը, «3+3» ձեւաչափով շփումներին։ 

Մանրամասները՝ տեսանյութում։ 

Տեսանյութը՝ NEWS.am-ի։