Թեհրանը կարող է հրաժարվել ԱԷՄԳԷ-ի հետ համագործակցությունից․ Իրանի փոխարտգործնախարար
Թեհրանը կարող է հրաժարվել Ատոմային էներգիայի միջազգային գործակալության հետ համագործակցությունից, եթե ԵՄ 3 երկրները՝ Մեծ Բրիտանիան, Գերմանիան և Ֆրանսիան, գործարկեն Իսլամական Հանրապետության դեմ ՄԱԿ-ի պատժամիջոցները երկարաձգելու մեխանիզմ, հայտարարել է Իրանի փոխարտգործնախարար Քազեմ Ղարիբաբադին։
«Մենք եվրոպական երկրներին հստակեցրել ենք, որ եթե նրանք նախաձեռնեն Snapback մեխանիզմի գործարկումը, Իրանը, իհարկե, կձեռնարկի անհրաժեշտ պատասխան քայլերը։ Մենք նաև տեղեկացրել ենք նրանց, որ եթե նման քայլ ձեռնարկվի, Միջազգային ատոմային էներգիայի գործակալության հետ ողջ համագործակցությունն ու փոխազդեցությունը լիովին կվտանգվի և գործնականում կդադարեցվի»,-ասել է պաշտոնյան Իրանի պետական հեռուստատեսությամբ։
Ավելի վաղ ԱՄՆ-ը և ԵՄ եռյակի երկրները երկրները համաձայնության էին եկել օգոստոսի վերջը համարել միջուկային համաձայնագրի կնքման վերջնաժամկետ։
