Ես կոչ եմ անում Իրանին անհապաղ քայլեր ձեռնարկել. իրենց երկիրը երբեք միջուկային զենք չի ստանա. Ռուբիո

ԱՄՆ-ն պատրաստ է Իրանի հետ ուղիղ երկխոսության՝ միջուկային ծրագրի շուրջ տարաձայնությունները կարգավորելու համար: Այս մասին հայտարարել է ԱՄՆ պետքարտուղար Մարկո Ռուբիոն:

«Ես կոչ եմ անում Իրանի առաջնորդներին անհապաղ անհրաժեշտ քայլեր ձեռնարկել, որպեսզի երաշխավորեն, որ իրենց երկիրը երբեք միջուկային զենք չի ստանա, բռնեն խաղաղության ուղին և, որպես հետևանք, նպաստեն Իրանի ժողովրդի բարգավաճմանը»,- ասել է ԱՄՆ պետքարտուղար Մարկո Ռուբիոն:

Հավելենք՝ Իրանի փոխարտգործնախարար Քազեմ Ղարիբաբադին հայտարարել էր, որ եթե Եվրոպական եռյակը պատժամիջոցներ սահմանի Իրանի դեմ, ապա Միջազգային ատոմային էներգիայի գործակալության հետ ողջ համագործակցությունն ու փոխազդեցությունը լիովին կվտանգվի և գործնականում կդադարեցվի: