Փլվել է աշխարհի ամենամեծ կամուրջը․ զոհվել է 12 մարդ
Չինաստանի հյուսիս-արևմուտքում գտնվող Դեղին գետի վրայով կամրջի շինհրապարակում մալուխի կտրվելու հետևանքով զոհվել է 12 մարդ, ևս չորսը անհետ կորած են համարվում, գրում է «Սինհուա»-ն։
12 մարդու մահվան մասին տեղեկատվությունը հաստատել է վթարի հետևանքով արտակարգ իրավիճակներին արձագանքման օպերատիվ շտաբը։
Արտակարգ իրավիճակի հետևանքով փլուզվել է պողպատե գերանի 108 մետրանոց գլխավոր կողոսկրը։ Վթարի պահին դեպքի վայրում գտնվել է 16 աշխատող։
Հաղորդվում է, որ փրկարարական աշխատանքներին մասնակցել է 806 մարդ, 91 տրանսպորտային միջոց, 27 նավակ, 1 ուղղաթիռ և 5 ռոբոտ։
Հիշեցնենք, որ մոտ մեկ ամիս առաջ Չինաստանը տուժեց վատ եղանակից՝ ուժեղ անձրևները ջրհեղեղներ առաջացրին։ Պեկինում 30 մարդ զոհվեց, ավելի քան 80 հազարը տարհանվեց։ Երկրի հյուսիսում ջրհեղեղների պատճառով լեռներից հոսեցին առվակները, իսկ սողանքը խլեց 8 մարդու կյանք։
