Շուտով կարևոր հայտարարությամբ հանդես կգամ՝ Ռուսաստանի և Ուկրաինայի վերաբերյալ. ԱՄՆ նախագահ
ԱՄՆ նախագահ Դոնալդ Թրամփը հայտարարել է, որ մտադիր է երկու շաբաթից որոշել, թե ում վրա է դրված Ուկրաինայում խաղաղության շուրջ բանակցությունների սայթաքման պատասխանատվությունը: Այս մասին գրում է «ՏԱՍՍ»-ը:
«Կտեսնեմ՝ ում մեղքն է: Ես հստակ գիտեմ, թե ինչ եմ անում: Մենք կտեսնենք, Ռուսաստանի Դաշնության նախագահ Վլադիմիր Պուտինը և Ուկրաինայի նախագահ Վլադիմիր Զելենսկին հանդիպում կունենան, թե ոչ:
Հետաքրքիր կլինի տեսնել: Ես երկու շաբաթից կհասկանամ, թե ինչ եմ անելու և կարևոր հայտարարությամբ հանդես կգամ», - ասել է նա՝ պատասխանելով Սպիտակ տանը լրագրողների հարցերին։
