Գերմանիան ի վիճակի չէ անվճար զենքով օգնել Ուկրաինային. Շոլց
Գերմանիայի դաշնային կանցլեր Օլաֆ Շոլցը հայտարարել է, որ Գերմանիան դժվար թե կարողանա զենք մատակարարել Ուկրաինային սեփական պաշարներից. դրանք գրեթե ամբողջությամբ սպառվել են։ Այս մասին գրում է die Welt-ը։
«Քանի որ Բունդեսվերն այլևս չունի հանձնելու մեծ պաշարներ, գերմանական արդյունաբերության և ուկրաինական կառավարության հետ մշակվում է այն ցուցակը, թե ինչ կարող է առաքվել երկիր», - ասել է նա:
Շոլցի խոսքով՝ «ռուսական հարձակմանը դիմակայելու համար» Ուկրաինան կարող է գնել գերմանական արտադրության զենք։
Կանցլերը բացատրել է, որ, օրինակ, գերմանական Leopard տանկերը իմաստ չեն ունենա Ուկրաինայում, քանի որ նրանք չեն կարող օգտագործել դրանք տեխնիկայի հետ աշխատելու փորձի բացակայության պատճառով։ Փոխարենը զենքերը պետք է շարունակեն գալ Արևելյան Եվրոպայի երկրներից, որոնց ուկրաինական բանակը ինչ-որ կերպ ծանոթ է, եզրափակել է նա։
