Միքայել արքեպիսկոպոս Աջապահյանի օրագիրն անթույլատրելի ապացույց է. Երեմ Սարգսյան
Միքայել արքեպիսկոպոս Աջապահյանի կեցավայրում խուզարկությունն իրականացվել է օրենքով սահմանված կարգի խախտմամբ, և դրա արդյունքում ձեռք բերված օրագիրն անթույլատրելի ապացույց է։ Այս մասին Շիրակի թեմի առաջնորդ Միքայել արքեպիսկոպոս Աջապահյանի գործով դատական նիստին հայտարարել է նրա պաշտպան Երեմ Սարգսյանը:
«Անձի բնակարանում խուզարկությունը կատարվում է այդ անձի կամ նրա օրինական ներկայացուցչի ներկայությամբ, մինչդեռ Միքայել արքեպիսկոպոս Աջապահյանի կեցավայրում իրականացված խուզարկությանը ո՛չ Աջապահյանը, ո՛ չ նրա օրինական ներկայացուցիչ ներկա չի եղել»,-ասել է Երեմ Սարգսյանը:
Հավելօենք, որ դատական նիստի ընթացքում հանրային մեղադրողը հրապարակեց Միքայել արքեպիսկոպոս Աջապահյանի օրագրի բովանդակությունը․ օրագիրը հայտնաբերվել էր նրա կեցավայրում իրականացված խուզարկության արդյունքում։
Միքայել արքեպիսկոպոս Աջապահյանին մեղադրանք է առաջադրվել իշխանությունը զավթելուն ուղղված հրապարակային կոչերի համար։
